“Aue Te Amowhiu,
Maranga mai ki te arataki e
O mokopuna e karanga nei
Maranga! Arataki mai”
Nau mai ki te whakaputanga tuarua o Te Kāhui, e whakamārama ana i nga mahi a te hunga whakapau kaha i Te Aitanga a Hauiti Centre of Excellence. I tēnei marama o Aperira, ka tuataki tātau ki nga kaimahi o E Tipu Kohanga Reo. Mā rātou ano e whakamarama kowai rātou, ā, he aha etahi o nga ahuatanga papai o tā rātou mahi.
CHANEY MANUEL |
KAIAKO MATUA, KAIWHAKAHAERE
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Te Rawheoro te kura wananga
Ko Ngati Patuwhare te hapu
Ko Te Aitanga a Hauiti te iwi
Ko Chaney Manuel ahau
Parekareka rawa atu te rongo i te reo Māori e rere ana ki waenganui i nga tamariki mokopuna. He mea miharo te kite i nga tamariki e rata pai ana ki te tipi haere i to tatau whenua ki te ako mo to tatau ake taiao. Harikoa te ngakau ina tutuki ai nga tamariki mokopuna i nga taumata whakahirahira o E Tipu Kohanga Reo.
PIRIHIRA POI |
KAIAKO
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Puketawai te marae
Ko Te Whānau a Te Rangipureora te hapu
Ko Te Aitanga a Hauiti te iwi
Ko Pirihira Poi ahau
He rawe ki au te kite me te rongo ki nga tamariki e ako ana i te reo Māori me te kite i o ratau kanohi kipakipa ia rā, ia rā.
MONIKA KEELAN TE KANI |
KAIĀWHINA
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Puketawai te marae
Ko Te Whānau a Te Rangipureora te hapu
Ko Te Aitanga a Hauiti te iwi
Ko Monika Keelan Te Kani ahau
He pai ki au te kanikani, te korero, te takaro me te waiata ki te taha o nga tamariki. He pai hoki oku hoa mahi me te mahi ki toku marae.
SAMANTHA RIKI |
KAIĀWHINA, KAITŪRUKI
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Hauiti te marae
Ko Ngati Kuranui te hapu
Ko Te Aitanga a Hauiti te iwi
Ko Samantha Jade Riki ahau
He pai ki au te mahitahi me nga tamariki ki te ako e pa ana ki o tatau tipuna me te whakapapa o te iwi. He rawe te kite i nga tamariki e ako ana i nga kaupapa o E Tipu Kohanga Reo .
KATARINA WAIKAHO |
KAIĀWHINA
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Okuri te marae
Ko Ngati Ira te hapu
Ko Te Aitanga a Hauiti te iwi
Ko Katarina Waikaho ahau
Tino pai ki au te ako i te reo maori me te kite i nga tamariki me taku mokopuna e kõrero Maori ana. He pai hoki te rongo i te rere o te reo.
Kevana waru-smith |
Kaitautoko
Ko Titirangi te maunga
Ko Uawanui-a-Ruamatua te awa
Ko Horouta te waka
Ko Puketawai te marae
Ko Te Whānau a Te Rangipureora te hapu
Ko Te Aitanga a Hauiti te iwi
Ko Kevana Waru-Smith ahau
He rawe ki au te mātaki i nga pēpi ka kuhu mai ki te Kohanga, ā, kāre o rātau reo Māori. Engari ka pakeke haere rātau, ā, i te putanga atu ki te kura tuatahi, he kaha tō rātau kōrero Māori.
